Годишнина од матура

Се собрало друштвото од средно, да договорат каде ќе слават 10 години матура. Еден од нив предложил:

-Да одиме „кај Перо”, има најзгодни келнерки.

После 20 години, се собрале пак и се договараат:

-Каде ќе одиме?

-„Кај Перо“, таму има најубава храна.

Дошла и 30-та годишнина од матурата:

-Каде ќе одиме?

-Одиме „кај Перо“, таму нѝ е најефтино.

Поминале уште десет години и истото друштво се спрема да прослави 40 години матура:

-Каде ќе одиме?

-Одиме „кај Перо“, таму има нова ПВЦ дограма, нема промаја.

И додека трепнеш, поминал половина век од матурата:

-Каде ќе одиме?

-Одиме „кај Перо“, таму храната е мека, а немаме баш многу заби.

Најпосле, малкуте останати, се собрале да се договорат за 60 годишнината од нивната матура:

-Каде ќе одиме?

-Одиме „кај Перо“.

Другите во еден глас одговориле:

-Стварно бе, таму никогаш не сме биле!!!

Фото: Luis Barreto од Pexels